لما نشوف الدنيا حلوة

لما نشوف الدنيا حلوة ... جميلة
لما تكون الرحلة سهلة ... لذيذة
لما تشارك قلب واحد قلبك
حب واحد .. حبك
تبقى حياتك حلوة جميلة
لما الوجود يبقى ما بين ايديك
حلوة الحياة حلوة قدام عينيك
اجمل ما فيها كل لحظة فيها
عمرك احلامك هواك
لما يكون حبك دة مالى قلبك
كل الحياة تهون لخدك
كل الامانى والاغانى تملا قلبك
لما تقول لحب واحد ليك
عاوز اشوفك اخطف ايديك
البس اساور وزينة وفستان زفاف
وطرحة بيضا وبدلة وشموع خفاف
وايدي فى ايدك والدبلة الشمال
وراجل بجبة ودفتر وشهود عفاف
وزيطة وزمبليطة وحفل الزفاف
والاقرايب فرحانين
ونكيد العزال
والدنيا حلوة وجميلة وانت اللى على البال
ونروح لبيت صغير
اوضتين وصالة خفاف
وتلفزيون ملون والدش والانجاف
وسفرة صغيرة وشمعة منورة
ووردتين لطاف
واضم ايدك لايدي
واحضن عينيك بعيني
وابوسك فوق جبينك
ونبدا سوا يا حبيبي
رحلة العمر الكبيرة