ناس تقول ايدي خفية مصرية
عايزين تعرفوا الايدي الخفية
اللى عانت طول عمرها من الحرمان والاسية
... انزلوا الدويقة وعزبة الهجانة واربعة ونص
وعزبة النخل والقلج والمرج
وانتوا تعرفوا الايدي الخفية ...
الناس اللى شغالة فى الزبالة ....
واللى شغالة فى اى حاجة......
واللى مش شغالة حاجة ....
كلها ايدي خفية ...
الناس اللى عانت من النسيان ومن الأسية ...
الناس اللى فى امبابة وارض اللواء والصف والعياط والعمرانية ...
الناس اللى مش لاقية 20 جنيه اجرة يومية
ولا حتى بق مية
ناس عايشين على الهامش مستخبية ...
يجي ابن كلب جزمة يديها ميتين ومية
يقولهم روحوا حدفوا الطوب واحرقوا
واديكوا كمان هدية ....
اضربوا فى شباب نضيف بيطالب بالحرية
واضربوا كمان فى جيشكم وفى عساكر الداخلية ...
خاللى البلد تولع و الدم يكتر ونخش حرب اهلية ......
خاللى الاخ مسلم يضرب فى المسيحي
خالليها فتنة طائفية ....
خاللى ولاد الحرام الامريكان ...
يلعبوا لعبة زمان ... فى لبنان ...
خاللوها دم واذية ....
خاللى بتوع الجمال ...
يدفعوا بدرهم ريال
يخربوا بيوت العيال ...
قال عاوزينها اسلامية ...
خاللى ابن عمك المختار
يفرح فيك ويقول شطار
ويولع الدنيا نار
قال عاوزينها امريكية
خاللوا بالكوا يا اخوانى
يا اصحابي وياخلانى
راح تتغيبوا من تاني
وتعيشوا فى احلام واماني ...
والبلاد حتكون منسية ....
وتروح عراقة فراعنة
احنا اللى بنينا الهرم ..
وعدينا القنال
حاسبوا من الايدي الخفية
