قريت كلمات جميلة للاخت الجميلة شيماء الجيزي
كان عنوانها حبة قلق
وفى ردى عليها مالقتش غير شوية قلق على القلق اللى كانت عاملاه
حبة قلق
من كتر حبي ليك
جاللى القلق
قاللى كلام فى الودان واتحرق
قلبي اللى كان بيحبك ... اتفلق
من كتر حزنه
على حبيبه
اللى اتسرق
حبة قلق
على يوم مش ناوى يجي ولا يعدى
ولا حتى فى حلمى حايهدى
دة باينه اتسرق
على حلم رايح
وسط الفضايح
اتخلق
على ذكرى حلوة
ايام جميلة
وسط الورق
اتحرق
حبة قلق
