هلموا .... هلموا
أفيقوا أو إنموا
أو حتى بالصرخة هموا
عذاب الصراخ
بالرقص داخ
من كتر همو
هلموا ... هلموا
***
عذابك عذابي
وبابك دة بابي
مسمار ودقوا
بصباع سيادتو
هلموا ... هلموا
***
صباع سيادتو
شاور بعادتو
وقال دة أمر
أمر السيادة
من غير إعادة
نفذ الأمر
الامر كان ..كان يا ماكان
دة مش فى سر
السر كان ... فيه العوبان
على صاحب الأمر
كان فيها واحد ... عامل مجاهد
صرخ وقال ... الدنيا فقر
راحوا شالوه
وكمان سحلوه
على السجن قسر
مرت سنين ... عدت سنين
قول ... خرج من الاسر
وعمك مجاهد
صبح مهاود
بعيد الشر
صار المحال
كلمع آل
صدع للامر
وسيبك ... نصيبك
محدش يجيبك
ولا حد مر
اسرق براحتك
انصب براحتك
ولا حد طل
عادتك بتاعتك
ناسب بعيلتك
واحلق للامر
لا حد شافك
ولا حد جابك
تمام للامر
هناك تعليقان (2):
كلام حلو وفعلا الكل ينصب زى ماهو عايز والكل بينصب على كله من اكبر كبير لاصغر صغير
للاسف الشديد يا هند دة اللى بيحصل فى البلد دلوقتى
والواحد علشان يعرف يعمل قرش فى الايام اللى ما يعلم بيها غير ربنا دى لازم يا اما يبقى معاه واسطة علشان يعرف ياخد مكان محترم يا اما يسرق ويبقى من الكبار يا اما ينصب وبرضه حايبقى من الكبار
شكرا لردك الكريم
إرسال تعليق