بقى دة اسمه كلام يا جماعة
الحاجة بقت فى بتاعة
مش عارف ايه الحاجة
بتخلى الواحد ساعة
يرقص وينغنى اناشيد
ويبعزق فى فلوسه على العيد
ويفرقع بمب وهات صواريخ
قال لازم يبقى البمب فى عيد
الاب يقول فرقعها بعيد
الام تقول سيبه يا سعيد
الواد راح يزعل ويشيط
ويخاللى الدنيا غامقها غويط
ونزل الواد للشارع
وكل العالم فى الشارع
والناس رايحة
الناس جاية
والعالم زحمة
اوووووففففففففف
ايه الزحمة دى
بقى هوة دة عيد
انت يا عم سعيد
لم الواد م الشارع
الواد عربية تدوسه
وقرايبك فى البيت
بيبوسوا يمين وشمال
يا سلام يا غزال
ومراتك فى المطبخ مشغولة
والعيلة فى البيت مأهولة
بتجمع كل حبايبك
وبتصرف من الجيب على الغولة
والواد فى الشارع بيفرقع
فى البمب وفى الصواريخ
العيد مش انك تاكل
قدام الناس وتغيظ
العيد معناه الاسمى
بالعبد الواحد بتحس
بتحس الناس ازاى عايشة
من غير ما تخس
عايشة بالقدرة وعايشين
بدعاء الوالدين
عايشين علشان يشتغلوا
ويربوا فى المساكين
مساكين واكلين الدنيا
من قعر الدنيا وطين
حتلاقى الدنيا دي ماشية
بالجزمة وبالسكين
وفى ناس ماشيين بالزوفة
عاملين فيها مهمين
عاملين فى جيوبهم كيس
بيلموا فيه ملايين
وبياكلوا فى العيد اللحمة
وفى غيرهم مش لاقيين
عايزين يبلعوا فى العالم
هوة العالم دة لمين
كدة برضه يا عم سعيد
هيا دى افعال العيد ؟؟؟؟
كدة برضه دة اسمه كلام
هيا دى افعال العيد !!!
هيا دى اعمال عاقلين
عاوزة تفرق بين الدنيا
وبين الدين
هوة دة كلام عاقلين !
ليست هناك تعليقات:
إرسال تعليق