سعيد جدا بزيارتك وسبب السعادة والسرور انى اساسا مش عارف مين اللى قالك عليها ... على كل انا باحاول انه يكون ليا مكان ولو صغير فى فضاء الشبكة العنكبوتية ....وشكرا ليكي مرة تانية لزيارتك ... نيجي بقى للموضوع بتاع القدوة ... وللا بتاع الضمير وللا على تفكير الراجل ككل ... على كل انا حاتكلم فى الموضوع بشكل عام ... بداية ... انا حاتكلم عن الرجل المصري على وجه الخصوص لانه بينفرد وسط رجال العرب بتركيبة مختلفة جدا ... اللى هيا اساسا بيحكمها عادات وتقاليد وتعليم وتربية ووسط اجتماعى وثقافى مختلف عن اى رجل تانى فى الشرق الاوسط ... للاسف الرجل المصرى بيتميز بازدواجية التفكير ودى صفة بيشترك فيها الرجل المصرى مع كافة رجال الوطن العربي وازدواجية التفكير دى بتخللي الراجل يتعامل مع المرأة قبل الجواز بطريقة وبعد الجواز بطريقة تانية وخاصة لو المرأة دى زوجته او خطيبته .. اما المراة بشكل عام فان الرجل بحكم طبيعة سي السيد المتأصلة فى عقله الباطن من اول التاريخ حتى يومنا هذا مرورا بعصر العبيد وهارون الرشيد كل ذلك ادى الى ان الرجل بيتعامل مع المرأة فى الشارع على انها واحد صاحبه او واحدة صاحبته ويا حبذا لو عرف انه سورى فى اللفظ يرافقها ويمشى معاها ويعمل معاها زى ما بيعمل مع مراته ... وفى نفس الوقت بيتعامل مع مراته فى البيت كانها شئ وليست كائن حى له كافة الحقوق والواجبات التى شرعها الاسلام او التى شرعتها الاديان وحفظت للمراة حقوقها ... اما بالنسبة بقى لتفكير الرجل فتفكير الرجل انه يكون سي السيد كما رسم الصورة الكاتب نجيب محفوظ فى رواية بين القصرين والسكرية فنموذج سي السيد عليه عامل مهم جدا فى تأصيل النزعة الامرة لدى الرجل والرجل عامة بيحب انه يكون مسيطر على المجتمع اللى هوة عايش فيه اللى هوة يعنى منزله واسرته حتى ولو كان راجل خيخة يعنى تلاقى الراجل اللى مراته بتتحكم فى البيت فى شغله اسد هصور وبيطلع البلاوى على جتت الناس التانية وفى البيت يا سبحان الله عامل زى القطة اللى واخدة بستين جزمة على دماغها ... والراجل بيطبيعة الامور بيحب انه يرسم على المراة وخاصة قبل الجواز دور مش دوره او يعيش حياة مش حياته ... طبعا انا باتكلم عن 90 % من نسبةالرجال فى مصر تقريبا .. يعنى نادر جدا لما تلاقى راجل مصرى بيدى مراته حقوقها وفى حالة الخلافات بيطلق بهدوء ومن غير مشاكل ومش بيضربها وبيتعامل معاها كانها انسان زيه مش مجرد ديكور فى البيت ولا ان العلاقة ما بينهم مجرد قضاء واجب والسلام وتفريغ احتياجات خاصة بالرجل وتغور المراة باحتياجاتها ... لا المفروض فى الراجل طبعا انه يتعامل مع المراة كما شرع الله وقيل فى الزمن القديم الدين المعاملة ولم يقولوا الدين العبادات .. فالمعاملة قبل العبادات يعنى اساس الاسلام ودستوره معاملة الناس معاملة حسنة فالكلمة الطبية صدقة ... فمابالك بالمعاملة الطبية بقى واحنا عارفين ان الصدقات ليها حساب كبير قوى عند ربنا ... نيجي بقى لنقطة تانية الا وهو ان الست عاوزة الراجل يقتدى بالرسول صلى الله عليه وسلم ودة طبعا مفيش حد ممكن يوصل لاى صفة من صفات الرسول عليه السلام ليه لان دة رسول واحنا بنحاول نقتدى بيه وطبعا مش حانقدر لان الرسول نفسه بشر بس رسول اما نحن بنى البشر فكلنا خطاءون فكل ابن ادم خطاء ومفيش اساسا انسان كامل ... وبعدين المرأة اصلا الاسلام كرمها وحفظ ليها حقوقها وكل اللى بنشوفه من معاملات ما بين المراة والرجل والقضايا المثارة بشأن المساواة بينهما ما هى الا فرقعات اعلامية الهدف منها بث بذور الشقاق بين قوى المجتمع فقوى المجتمع تتالف من الرجل والمراة فهما اساس اى مجتمع واذا بثثنا الشقاق بينهما فقل على المجتمع يا رحمان يا رحيم
يا اخوانا الضمير الانسانى شئ مهم جدا ولولا اسلامنا وتدينا لما وصلنا الى ما نحن فيه الان بس دة مش معناه ان احنا نمسك فى الدين لدرجة التزمت فالدين يسر وليس عسر كما انه فى العصور الاسلامية المتقدمة كان العرب يفوقون كل الامم الاخرى فى التقدم العلمى وذلك بتمسكهم بدينهم ولكن عن غير تشدد وبعدين احنا شايفين التشدد عامل ايه فينا يبقى ليه التشدد من الاساس
على كل انا طولت عليكم وارجو ان يكون اللى فات دة كله فى صميم الموضوع هذا ولله الامر من قبل ومن بعد
هناك تعليقان (2):
الف الف مبروك عالجواز مقدما
لولولولولولى
انا مستنية الحكايات اهو - متتأخرشى بقى
يلا باى
هبة
سعيد جدا بزيارتك وسبب السعادة والسرور انى اساسا مش عارف مين اللى قالك عليها ... على كل انا باحاول انه يكون ليا مكان ولو صغير فى فضاء الشبكة العنكبوتية ....وشكرا ليكي مرة تانية لزيارتك ...
نيجي بقى للموضوع بتاع القدوة ... وللا بتاع الضمير وللا على تفكير الراجل ككل ... على كل انا حاتكلم فى الموضوع بشكل عام ...
بداية ...
انا حاتكلم عن الرجل المصري على وجه الخصوص لانه بينفرد وسط رجال العرب بتركيبة مختلفة جدا ... اللى هيا اساسا بيحكمها عادات وتقاليد وتعليم وتربية ووسط اجتماعى وثقافى مختلف عن اى رجل تانى فى الشرق الاوسط ...
للاسف الرجل المصرى بيتميز بازدواجية التفكير ودى صفة بيشترك فيها الرجل المصرى مع كافة رجال الوطن العربي وازدواجية التفكير دى بتخللي الراجل يتعامل مع المرأة قبل الجواز بطريقة وبعد الجواز بطريقة تانية وخاصة لو المرأة دى زوجته او خطيبته .. اما المراة بشكل عام فان الرجل بحكم طبيعة سي السيد المتأصلة فى عقله الباطن من اول التاريخ حتى يومنا هذا مرورا بعصر العبيد وهارون الرشيد كل ذلك ادى الى ان الرجل بيتعامل مع المرأة فى الشارع على انها واحد صاحبه او واحدة صاحبته ويا حبذا لو عرف انه سورى فى اللفظ يرافقها ويمشى معاها ويعمل معاها زى ما بيعمل مع مراته ... وفى نفس الوقت بيتعامل مع مراته فى البيت كانها شئ وليست كائن حى له كافة الحقوق والواجبات التى شرعها الاسلام او التى شرعتها الاديان وحفظت للمراة حقوقها ... اما بالنسبة بقى لتفكير الرجل فتفكير الرجل انه يكون سي السيد كما رسم الصورة الكاتب نجيب محفوظ فى رواية بين القصرين والسكرية فنموذج سي السيد عليه عامل مهم جدا فى تأصيل النزعة الامرة لدى الرجل والرجل عامة بيحب انه يكون مسيطر على المجتمع اللى هوة عايش فيه اللى هوة يعنى منزله واسرته حتى ولو كان راجل خيخة يعنى تلاقى الراجل اللى مراته بتتحكم فى البيت فى شغله اسد هصور وبيطلع البلاوى على جتت الناس التانية وفى البيت يا سبحان الله عامل زى القطة اللى واخدة بستين جزمة على دماغها ... والراجل بيطبيعة الامور بيحب انه يرسم على المراة وخاصة قبل الجواز دور مش دوره او يعيش حياة مش حياته ... طبعا انا باتكلم عن 90 % من نسبةالرجال فى مصر تقريبا .. يعنى نادر جدا لما تلاقى راجل مصرى بيدى مراته حقوقها وفى حالة الخلافات بيطلق بهدوء ومن غير مشاكل ومش بيضربها وبيتعامل معاها كانها انسان زيه مش مجرد ديكور فى البيت ولا ان العلاقة ما بينهم مجرد قضاء واجب والسلام وتفريغ احتياجات خاصة بالرجل وتغور المراة باحتياجاتها ... لا المفروض فى الراجل طبعا انه يتعامل مع المراة كما شرع الله وقيل فى الزمن القديم الدين المعاملة ولم يقولوا الدين العبادات .. فالمعاملة قبل العبادات يعنى اساس الاسلام ودستوره معاملة الناس معاملة حسنة فالكلمة الطبية صدقة ... فمابالك بالمعاملة الطبية بقى واحنا عارفين ان الصدقات ليها حساب كبير قوى عند ربنا ... نيجي بقى لنقطة تانية الا وهو ان الست عاوزة الراجل يقتدى بالرسول صلى الله عليه وسلم ودة طبعا مفيش حد ممكن يوصل لاى صفة من صفات الرسول عليه السلام ليه لان دة رسول واحنا بنحاول نقتدى بيه وطبعا مش حانقدر لان الرسول نفسه بشر بس رسول اما نحن بنى البشر فكلنا خطاءون فكل ابن ادم خطاء ومفيش اساسا انسان كامل ... وبعدين المرأة اصلا الاسلام كرمها وحفظ ليها حقوقها وكل اللى بنشوفه من معاملات ما بين المراة والرجل والقضايا المثارة بشأن المساواة بينهما ما هى الا فرقعات اعلامية الهدف منها بث بذور الشقاق بين قوى المجتمع فقوى المجتمع تتالف من الرجل والمراة فهما اساس اى مجتمع واذا بثثنا الشقاق بينهما فقل على المجتمع يا رحمان يا رحيم
يا اخوانا الضمير الانسانى شئ مهم جدا ولولا اسلامنا وتدينا لما وصلنا الى ما نحن فيه الان
بس دة مش معناه ان احنا نمسك فى الدين لدرجة التزمت فالدين يسر وليس عسر كما انه فى العصور الاسلامية المتقدمة كان العرب يفوقون كل الامم الاخرى فى التقدم العلمى وذلك بتمسكهم بدينهم ولكن عن غير تشدد
وبعدين احنا شايفين التشدد عامل ايه فينا
يبقى ليه التشدد من الاساس
على كل انا طولت عليكم وارجو ان يكون اللى فات دة كله فى صميم الموضوع
هذا ولله الامر من قبل ومن بعد
إرسال تعليق