المجلس العسكري اللى مش عاوز يعمل حاجة صح فى البلد ... وللا المجلس العسكرى اللى بيحكم على الناس فى نص ساعة فى محاكم عسكرية بالخمس وعشر وعشرين سنة بصرف النظر بقى بلطجية او لا ... وسايب الناس اللى بيتحكم عليها فى قضية اللوحات المعدنية ... دة على اساس ان الثورة قامت علشان اللوحات المعدنية والنظام سقط علشان اللوحات المعدنية ... يعني ناس عسكريين يتحاكموا محاكمة مدنية والمدنيين يتحاكموا محاكمات عسكرية .... دة اسمه ايه دة المجلس العسكري اللى هوة اساسا جزء من النظام السابق شيلنا راس النظام واسقطنا النظام ودايرة النظام وسيبنا حامي النظام .... ياخى هأأو ... سلامات يا نظام .... نظام ايه دة ... نظام ايه اللى الثورة قامت فيه ولغاية دلوقتي الناس مش لاقية شغل و اللى مش بيلاقى شغل بيزيد عن الاول كمان .... ايه يا عم دة ... لغاية دلوقتى لسة فيه ناس بتستغل البلد ... فى سلع تموينية وفى خدمات وفى فرص عمل ... يبقى نظام ايه دة ... يا فرحتي بقى فيه حد ادنى للمرتبات ... بس مفيش حد اقصى ... يعني اللى كان بياخد 300 جنيه قدامه واحد بياخد 300 الف جنيه ... يبقى اللى حاياخد 700 جنيه يبقى قدامه ياخد كام ؟؟؟ بجد اللى بيحصل فى مصر دة اسمه استهزاء بالثورة واستهزاء بالشعب وللاسف الشعب هوة اللى سمح بدة ... حاتقول بانادي الفوضى ... اه انا بانادي بالفوضى لان من وسط الفوضى حايجي واحد ولد ابن بلد يقوم البلد دي من كبوتها وينتشلها من الفوضى ... الفوضى حايكون نتيجتها دم ... ودم كتير ... بس لما الواحد فينا ثعبان بيلدغه بينزف دم علشان الجسم يطرد الدم الفاسد ... وجسد مصر ملئ بالدم الفاسد ... حتى احنا الثوار فينا جزء فاسد ... ولسة قدامنا 5 سنين علشان نبقى دولة صح.... مصر مش حاتفوق الا بثورة ... ثورة على نفسها وعلى اوضاعها ... ثورة على كل المعتقدات والافكار اللى عاشت فى قلوبنا وعقولنا ودمنا 60 سنة ...
ليست هناك تعليقات:
إرسال تعليق